Shefi i grupit parlamentar të AAK-së, Besnik Tahiri, e ka quajtur “paralajmërim i një fushate psikologjike të qeverisë Kurti” njoftimin e KEDS-it për rikthimin e reduktimeve të rrymës.

Tahiri ka shkruar në llogarinë e vet në “Facebook” se kjo “është thirrje që të bëhemi gati për një dimër të gjatë”.

“Paralajmërimi i reduktimeve në pikë të verës, është asgjë më shumë se paralajmërim i një fushate psikologjike të qeverisë Kurti. Është thirrje që të bëhemi gati për një dimër të gjatë. Është test i durimit, është test i manovrimit, është test i mashtrimit. Po na matet pulsi, që nëse durojmë 2 orë verës, do të mund të duronim edhe 12 orë dimrit. Kësaj duhet thënë stop tani, ndryshe do jetë vonë!”, ka shkruar Tahiri.

Kujtojmë se për çështjen e krizës energjetike dhe rikthimit të reduktimeve kanë reaguar edhe partitë tjera opozitare si PDK-ja dhe LDK-ja. Partia Demokratike e Kosovës, gjithashtu ka thirrur konferencë për media në orën 13:30 rreth kësaj çështje.