Talibanët paralajmërojnë sulme të reja në Kabul

21 maj 15:12

Talibanët kanë kërkuar nga banorët e Kabulit të qëndrojnë larg “qendrave ushtarake”, duke paralajmëruar se do të kryejnë sulme të reja në kryeqytetin afgan.

Në një deklaratë “online”, militantët kanë theksuar se sulmet e ardhshme mbi “qendrat e inteligjencës dhe ushtrisë së armikut” do të jenë pjesë e ofensivës pranverore.

“Me qëllim që të shmangen viktimat civile dhe t’i shkaktohen dëme vetëm ushtrisë së armikut, u kërkojmë banorëve të Kabulit të qëndrojnë larg. Ne nuk duam që të vritet asnjë civil i pafajshëm”, është thënë në deklaratën e talibanëve.

Kjo deklaratë nuk qartëson se çfarë saktësisht nënkuptojnë “qendrat e ushtrisë dhe të inteligjencës”, raporton “Rel”.

Talibanët i kanë intensifikuar sulmet duke kundërshtuar dukshëm thirrjet për ta që të pranojnë ofertën e Qeverisë afgane për bisedimet e paqes.

Talibanët dhe grupi ekstremist Shteti Islamik kanë kryer një seri sulmesh masive në Kabul gjatë muajve të fundit.

Fjalët Kyçe:

Lajme të sponsorizuara

Të fundit
Telekomi i Kosovës, dikur kompania më profitabile në vend, aktualisht…