Tensioni në qiell në Libi, rrezikohet “përballja” ajrore midis Turqisë dhe Rusisë

22 maj 09:33

Situata në Libi po bëhet çdo ditë më kaotike, dhe rrezikon të kthehet në burimin e një konflikti që mund të përballë fuqitë e mëdha.

Nga përmbysja e qeverisë së Gedafit në 2011, vendi është i ndarë në të paktën dy pjesë, ku rolin e qeverisë legjitime e mban qeveria e Tripolit të kryesuar nga Fajez Serraj, dhe e njohur nga OKB. Ndërkohë, pjesa lindore e vendit me kryeqendër Tobruk është faktikisht nën kontrollit e gjeneralit Haftar, që pas mbështetjes fillestare të Shteteve të Bashkuara, për shkak të politikës së tij agresive ndaj Tripolit ka humbur Uashingtonin dhe i është drejtuar Moskës.

Pikërisht dje ministri i Brendshëm i Tripolit Fathi Bishaga ka deklaruar se forcat armike të kontrolluara nga Haftar janë përforcuar me një seri aeroplanësh ushtarakë të ardhur nga baza ushtarake ruse e Hmeimim në Siri.

Bëhet fjalë, sipas tij, për të paktën gjashtë Mig-29 dhe dy Sukhoi-24, që mund të kenë ndalur edhe në një bazë egjiptiane, nga momenti që Kairo është një tjetër aleat i Haftarit.

Forcat ruse në terren kanë qenë të shumta në mbështetje të Haftar, por kryesisht nga ana e kompanisë shumë të diskutuar të mercenarëve, e quajtur Wagner. Tashmë me arritjen e avionëve ushtarakë, mbështetja ruse merr formë gjithmonë e më zyrtare.

Falë mbështetjes së Moskës, gjenerali Haftar kishte përparuar deri në afërsi të Tripolit, por ishte zmbrapsur nga forcat turke pas marrëveshjes midis Serraj dhe presidentit turk Erdogan, me përdorimin e mjeteve të avancuara si dronet.

Por mbështetja e Putin për Haftar mund të kulmojë tashmë në një konflikt të hapur ajror. Vetë burimet nga Tobruk kanë deklaruar se po afron “fushata ajrore më e madhe që është parë në vend”.

Ky skenar shqetëson të gjithë kancelaritë ndërkombëtare, pasi rreziku i një përballje midis Moskës dhe Ankarasë mund të ndizte skenarin ndërkombëtar në një kohë kur tensionet nuk mungojnë, edhe për shkak të pandemisë globale.

Nga përmbysja dhe eliminimi i gjeneralit Gedafi në 2011 Libi është e ndarë në dy pjesë.
Nga një anë qeveria e Tripolit e drejtuar nga Serraj e njohur nga OKB dhe e mbështetur ushtarakisht nga Turqia
Nga ana tjetër territori indor i Tobruk i kontrolluar nga gjenerali Haftar mbështetur nga Rusia dhe Emiratet Arabe.
Forca mercenare ruse mbështesin Tobrukun
Tripoli ka përparuar falë teknologjisë turke sidomos dronët scaled
Një Sukhoi 24 tjetër model në mbështetje të forcave të Tobrukut
Por mbështetja e aviacionit rus mund të ndryshojë ekuiblibrat në Libi

Lajme të sponsorizuara

Të fundit
Drejtori i sapoemëruar i Inteligjencës Kombëtare të ShBA-së, kongresisti republikan…