Terimi e do Shaqirin te Galatasaray
19 nëntor 2020
| 14:00
Trajneri i Galatasarayt, Fatih Terim refuzon të heqë dorë nga shpresat për ta transferuar yllin shqiptar të Liverpoolit, Xherdan Shaqirin.
Anësori shqiptar nuk po luan mjaftueshëm te Liverpooli dhe një largim i tij përfolët që disa afate kalimtare. Klubi i madh turk, Galatasaray është njëri nga klubet që është lidhur më shumë me transferimin e shqiptarit.
Trajneri Terim është një tifoz i madh i futbollistit nga Gjilani dhe ka shtyrë drejtuesit e Galatasarayt për të sjellë sulmuesin në Stamboll. Sipas mediumit turk “Fotomac”, Galatasaray dhe Terim do të provojnë përsëri për Shaqirin në afatin e janarit.