Ministri i Infrastrukturës dhe Transportit, Pal Lekaj, ka pritur të martën në takim deputetët turq nga grupi parlamentar 6+, për t’ua dorëzuar mostrën e testimit teorik për patentshoferë në gjuhën turke.

Ministri Lekaj ka theksuar se tashmë është përmbushur kërkesa e tyre kushtetuese dhe ligjore që të gjithë kandidatët e komunitetit turk t’i nënshtrohen testit në gjuhën e tyre.

Për punën e bërë në realizimin e kësaj kërkese të nevojshme për komunitetin që përfaqësojnë, në emër të grupit parlamentar 6+ nga radhët e komunitetit turk, ministrin Lekaj e ka falënderuar deputetja Muferra Sinik, njëherësh edhe nënkryetare e Kuvendit të Kosovës.

Të gjithë kandidatët që duan t’i nënshtrohen testit për patentëshofer në gjuhën turke, paraprakisht duhet të parashtrojnë kërkesë pranë Njësisë së

Patentshoferëve ku ata do të testohen.​