Tetë raketa ruse godasin qytetin ukrainas dhe shkatërrojnë aeroportin (video)
Tetë raketa ruse kanë goditur qytetin Vinnytsia, duke shkatërruar plotësisht aeroportin e këtij qyteti, ka thënë presidenti ukrainas Volodymyr Zelensky.
Zelensky ka bërë thirrje që të mbyllet hapësira ajrore mbi Ukrainë, duke thënë se vrasjet e shkaktuara nga këto raketa janë përgjegjësi edhe e “politikanëve botërorë dhe liderëve të Perëndimit nga sot dhe përgjithmonë”.
“Ne e përsërisim çdo ditë – mbyllni qiellin mbi Ukrainë. Mbylleni për të gjitha raketat ruse, të gjithë aviacionin ushtarak, për të gjithë këta terroristë! Ju lutemi krijoni një zonë humanitare pa raketa, pa bomba ajrore! Ne jemi njerëz dhe është detyra juaj humanitare të na mbroni, të mbroni civilët dhe ju mund ta bëni këtë. Nëse nuk e bëni këtë, nëse të paktën nuk na jepni aeroplanë që të mund të mbrohemi, përfundimi i vetëm që mbetët është se ju dëshironi ne të vritemi shumë ngadalë”, ka thënë Zelensky.
Ministri i Jashtëm i Ukrainës, Dmytro Kuleba, ka publikuar një video që shfaq sulmin e Rusisë mbi këtë qytet.
“Tetë raketa goditën Vinnytsian, një qytet i madh larg vijës së frontit. Putini vazhdon sulmet e tij frikacake dhe barbare me raketa, si dhe bombardimet ajrore ndaj civilëve. Na ndihmoni të mbyllim qiellin dhe të shpëtojmë jetë! Siguroni mbrojtje ajrore dhe raketore, na siguroni avionë luftarakë! Ndaloni terrorizmin rus!”, ka shkruar Kuleba.
Eight Russian cruise missiles hit Vinnytsia, a large city far from the frontline. Putin continues his cowardly & barbaric missile strikes, air bombardment of civilians. Help us close the sky and save lives! Provide air and missile defense, combat aircraft! Stop Russian terrorism! pic.twitter.com/oXXoYrxr4m
— Dmytro Kuleba (@DmytroKuleba) March 6, 2022
Ndërkaq, mediat ukrainase kanë publikuar edhe video kur aeroporti i Vinnytsias merr flakë.
The video shows the sight of the airport in Vinnytsia that got hit by 8 rockets during a Russian airstrike on March 6, according to President Volodymyr Zelensky.
Video: Verkhovna Rada of Ukraine/Telegram pic.twitter.com/mesfSwboxu
— The Kyiv Independent (@KyivIndependent) March 6, 2022
