Ka dalë nga shtypi, nën përkujdesjen e vajzës Teuta Y. Elshani, kompleti me përzgjedhje nga krijimtaria e shkrimtarit Ymer Elshani. Në këtë kolanë prej katër vëllimesh janë botuar dhe ribotuar këto vepra: “Kur vallëzojnë buzëqeshjet”, poezi të zgjedhura; “Planeti i mirësisë”, tregime të zgjedhura; “Ndodhitë e hundëkarotës”, roman (ribotim); “Aventurat mbi trotinetin e vjetër”, roman (ribotim). Në javën tjetër, po nën përkujdesjen e vajzës së shkrimtarit, Teuta Y. Elshani, do të dalë nga shtypi libri “Kërpudha magjike”.