Denveri e mposhti me rezultat 119-103 Golden State, një përballje mes ekipesh pretendente në Konferencën e Perëndimit. Niola Jokiq protagonist me një “triple double” (32 pikë, 16 rebound, 16 asistime), duke i dhuruar fitoren ekipit kampion, mbështetur edhe nga Murray me 27 pikë.

Phoenixi, falë një loje të mirë kolektive (4 lojtarë realizuan mbi 20 pikë), mposhti me rezultat 123-113 Lakersat, ndërsa Scramento mposhti me rezultat 123-107 ekipin tjetër të Los Anxhelosit, atë të Clippers. Për Sacramenton u dallua De’Aron Fox, autor i 33 pikëve.

Pa probleme fiton Milwaukee, që mundi me shifrat 119-98 Philadelphian, sfidë ku diferencën e bëri Antetokounmpo, me 30 pikë e 12 rebound. Fiton edhe Oklahoma, që mundi me rezultat 123-110 Houstonin, sfidë ku Shai realizoi 36 pikë.

Rezultatet

Philadelphia – Milwaukee        98-119
Phoenix – Lakers                       123-113
Indiana – Dallas                        133-111
Washington – Cleveland          105-114
Golden State – Denver             103-119
New Orleans – Chicago            106-114
Houston – Oklahoma               110-123
Atlanta – Orlando                     109-92
Utah Jazz – San Antonio         128-109
Portland – Charlotte                 80-93
Clippers – Sacramento             107-123