Një prapaskenë e pazakontë ka dalë në dritë pak ditë pas përfundimit të Kupës së Botës për Klube në Shtetet e Bashkuara të Amerikës. Ish-presidenti amerikan, Donald Trump, ka deklaruar se është ai që ka në zotërim trofeun origjinal të turneut, ndërkohë që Chelsea, fituesi i finales, ka marrë vetëm një kopje të tij.

Sipas rrëfimit të bërë nga vetë Trump për mikrofonat e DAZN, FIFA ia dorëzoi atij trofeun për ruajtje përpara nisjes së kompeticionit, duke e vendosur në Zyrën Ovale të Shtëpisë së Bardhë. Por kur ka pyetur se kur do ta tërhiqnin, përgjigjja e presidentit të FIFA-s, Gianni Infantino, e ka befasuar tërësisht: “Nuk do ta marrim kurrë, mund ta mbash për gjithmonë”.

Kjo ka forcuar bindjen e Trump se ai është në zotërim të trofeut të vërtetë. Këto ishin fjalët e tij: “FIFA më tha: ‘Mund ta mbash këtë trofe për pak kohë?’ E vendosëm në Zyrën Ovale. Pastaj pyeta: ‘Kur do ta merrni mbrapsht?’, dhe Gianni Infantino më tha: ‘Nuk do ta marrim kurrë, mund ta mbash për gjithmonë’”.

Deklarata që ka habitur opinionin sportiv dhe që lë të kuptohet se Chelsea mund të ketë festuar vetëm me një kopje, ndërsa trofeu origjinal ndodhet ende në duart e ish-presidentit amerikan.