Me kërkesë të Drejtorisë së Administratës, kompania regjionale e mbeturinave “Uniteti”, gjatë ditës së sotme ka bërë pastrimin e hapësirave gjelbëruese para objektit të komunës si dhe është bërë largimi i mbeturinave prapa objektit të administratës komunale.

Me këtë rast, drejtoresha e Administratës, Valmire Sylejmani, ka shtuar se me rastin e ditës së tokës është ndërmarrë ky aksion i cili ka për qëllim që pastërtia pranë objektit të administratës komunale të jetë në nivel.

Ajo më tutje ka bërë thirrje tek qytetarët dhe opinioni i gjerë që të ngritët përgjegjësia dhe vetëdijesimi në ruajtje të ambientit sepse janë faktorë esencial të jetës dhe shëndetit tonë.