Reperi me famë botërore Drake është parë duke kënduar me flamurin shqiptar në duar gjatë një koncerti, shkruan Express.

Gjatë performancës së tij, një vajzë nga publiku e cila mbante flamurin në dorë, e ka hedhur në drejtim të skenës ku po performonte Drake. Ai sapo e sheh flamurin, e merr në duar dhe e vazhdon performancën.

Ndryshe, në albumin e tij më të ri, në një prej këngëve, Drake përmend Prishtinën. Bëhet fjalë për këngën “Polar Opposites”.

“Ose është mesazhi yt që po e lexoj gabim; Ose thjesht veprimet tuaja janë mashtruese; Nuk e di se si i bëjnë gjërat në Prishtinë; E di që tensioni po rritet; Ka shumë njerëz të vdekur për mua që ende marrin frymë”, thotë mes të tjerash në vargjet e këngës reperi kanadez.