Në kuadër të megaoperacionit “Tempulli 2” , policia në Tiranë ka prangosur një 36-vjeçar, kështu duke e çuar në 75 numrin e të ndaluarve.

“Më parë, gjatë zhvillimit të këtij operacioni, janë sekuestruar 14 kg kanabis, 5.3 kg kokainë, 170 gram “heroinë dhe 11 peshore elektronike, 4 armë zjarri pistoleta dhe 1 armë zjarri automatik, 70 celularë, 11 automjete, 2 186 000 lekë, 11 610 euro dhe 630 paund”, ka njoftuar Policia e Shtetit.

Është bërë me dije se është duke vazhduar puna për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni.

“Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, ka njoftuar policia.