Vëmendje: Shkruhet “panik” dhe jo “panikë”!
12 mars 2020
| 23:03
Drejtshkrim
Shkruan: Mentor Hajrizi
Lexues të etur të shqipes së shkruar,
Shkruhet “panik” dhe jo “panikë”! Fjala “panik” është emër i gjinisë mashkullore.
Në një fjali diku në rrjetet sociale, lexova: Nuk ka nevojë për frikë dhe panik. Ky është një problem tjetër tashmë. Në këtë rast, duhet të përdoret “frikë” ose “panik”.
Kuptimi i fjalës “panik” është “frikë, frikë e madhe”.
Po qe se shkruhet edhe frikë, edhe panik, i bie të nënkuptohet: frikë dhe frikë e madhe (tautologji).
Mos ngjallni panik!
Qëllimi i shkrimit nuk është përdorimi i fjalëve të huaja në gjuhën shqipe, por drejtshkrimi i fjalëve sipas normave të gjuhës sonë.