Veprimet e shteteve të BE-së nxisin bashkimin kombëtar Kosovë-Shqipëri

26 nëntor 10:51

Gazetari dhe drejtuesi i televizionit “Klan Kosova”, Adriatik Kelmendi, ka shkruar në llogarinë e tij në “Facebook” se bashkësia ndërkombëtare sot është mbështetësja kryesore e bashkimit të Kosovës dhe Shqipërisë.

Edhe pse kundërshtohet ashpër nga shtetet kryesore të Perëndimit, veprimet e tyre nxisin gjithnjë e më tepër bashkimin kombëtar.

“Ironikisht, bashkësia ndërkombëtare sot është mbështetësja kryesore e bashkimit të Kosovës dhe Shqipërisë. Edhe pse kundërshtohet ashpër nga shtetet kryesore të Perëndimit, veprimet e tyre nxisin gjithnjë e më tepër bashkimin kombëtar”, ka shkruar Kelmendi.

Postimi i plotë i tij:

Ironikisht, bashkësia ndërkombëtare sot është mbështetësja kryesore e bashkimit të Kosovës dhe Shqipërisë. Edhe pse kundërshtohet ashpër nga shtetet kryesore të Perëndimit, veprimet e tyre nxisin gjithnjë e më tepër bashkimin kombëtar.

Kosova, ndonëse ka shpallur pavarësinë në mënyrë të koordinuar dhe është pranuar nga shumica e shteteve demokratike, nuk po sheh së fundmi t’i bëhet presioni i duhur Serbisë për ta njohur pavarësinë. Për më tepër, presioni është kthyer kah Kosova, duke i kërkuar “të japë diçka”. Çka të japë më tepër se sa gjaku i civilëve të vrarë, dëbimet, djegiet, shkatërrimet që iu bënë nga Serbia?!

Atëherë, pse na njohën kështu si na njohën?!

Çka bëri ndërkohë Serbia, kjo Serbia gjenocidale, që tash u dashka të shpërblehet?!

Kosova, shteti që u krijua nga vetë bota perëndimore, është lënë e vetmja pa liberalizim vizash, sikur qytetarët e saj të ishin me ndonjë sëmundje të rrallë ngjitëse. Poshtërsi më të madhe s’ka! Është kaluar secili kufi me këtë qasje.

Njësoj, Shqipëria, edhe pse plotëson kriteret, i vëhen pengesa të reja në rrugën drejt Bashkimit Evropian.

Nëse ka standarde të dyfishta për shqiptarët, cilat rrugë po mbesin?

Rruga e bashkimit kombëtar?! Ok, pra. Mbase është koha të punohet seriozisht në këtë drejtim.

Lajme të sponsorizuara

Të fundit
Në një seancë solemne të mbajtur sot në Mitrovicë, ka…