Kryetari i Partisë Demokratike të Kosovës (PDK), Kadri Veseli, ka përkujtuar heronjtë Xhevë e Fehmi Lladrovci, me ratsin e 21-vjetorit të rënies së tyre.

Veseli ka thënë se Fehmiu, Xheva, Fatimja dhe çdo dëshmor janë frymëzim dhe motiv për ta.

“Heroizmi i Fehmi dhe Xhevë Lladrovcit, dy figurave të mëdha të Ushtrisë Çlirimtare të Kosovës që përfaqësojnë figurat tipike të luftëtarëve të lirisë, ne bashkëluftëtarëve dhe popullit tonë, na jep gjithmonë shumë krenari. Bashkë me Fehmiun dhe Xhevën, para 21 vjetësh, trimërisht në fushën e nderit ra edhe Fatime Hetemi, që sot shpallet ‘Hero i Kosovës'”.

“Fehmiu, Xheva, Fatimja dhe çdo dëshmor janë frymëzim dhe motiv për ne, për të punuar më shumë dhe për ta ndërtuar një të ardhme më të mirë në atdheun tonë.
Shpërndajeni për ta nderuar heroizmin e luftëtarëve të lirisë!, ka shkruar Veseli në llogarinë e vet në “Facebook”.

/Epoka e re/