Lëvizja Vetëvendosje: Haki Abazi është sulmuar rëndë nga Dardan Molliqaj

11 shtator 23:44

Lëvizja Vetëvendosje ka reaguar në lidhje me përplasjen fizike që kanë pasur pas emisionit “Pressing” në T7 Haki Abazi dhe Dardan Molliqaj.

Kjo parti ka bërë me dije se Haki Abazi është sulmuar rëndë nga kandidati i PSD-së për deputet, Dardan Molliqaj dhe shoqëruesit e tij.

“Ky sulm banditesk i ka shkaktuar lëndime fizike z. Abazi, dhe për këtë menjëherë kemi njoftuar policinë”, thuhet në reagimin e LV-së.

Reagimi i plotë i LV-së:

Banditët nuk e kanë vendin në debate televizive

Pas emisionit “Pressing” në T7, kandidati i listës së Lëvizjes VETËVENDOSJE!, z. Haki Abazi është sulmuar rëndë nga kandidati i AAK-së, D. Molliqaj dhe shoqëruesit e tij. Ky sulm banditesk i ka shkaktuar lëndime fizike z. Abazi, dhe për këtë menjëherë kemi njoftuar policinë.

Bandat mafioze që kanë kapur shtetin po frikësohen prej ndryshimit që po vjen, prej entuziazmit popullor dhe prej drejtësisë që do të vendoset nga Lëvizja VETËVENDOSJE! Ata po e shfaqin nervozën e tyre duke shpifur pa u ndalur, e tash edhe duke sulmuar fizikisht. Ata tashmë e kanë traditë sulmin fizik ndaj debatuesve në emisione televizivë.

Publiku nuk e meriton këtë nivel të ulët diskutimi. Kosova nuk e meriton këtë nivel të ulët përfaqësimi. Tash po e kuptojmë se sllogani i tyre propagandistik “guxim dhe dije”, po nënkupton që guximin e paskan banditët, a dijen injorantët.

Presim nga policia të marrë masa ndaj tyre. I bëjmë thirrje KQZ-së të largojë nga lista këta persona që po ushtrojnë dhunë.

Qëndrojmë në mbështetje të plotë të z. Haki Abazi, dhe të cilitdo aktivist që është sulmuar me dhunën e tyre verbale e fizike.

Lajme të sponsorizuara

Të fundit
Kandidati për deputet i PSD-së, Dardan Molliqj, ka dhënë versionin…