Vitia: 26 bashkatdhetarë lirohen nga spitali i Sllavonski Brod, kthehen sonte në Kosovë

27 korrik 13:09

Ministri i Shëndetësisë, Arben Vitia ka njoftuar se 26 bashkatdhetarët të cilët po trajtoheshin në spitalin e Sllavonski Brod, tashmë janë liruar në gjendje të mirë shëndetësore.

“Pas diskutimeve të fundit me menaxhmentin e spitalit ne Sllavonski Brod dhe Ministrin e Shëndetësisë Vili Berosh, tani më janë liruar 26 bashkatdhetarë të cilët ndihen mirë dhe janë vendosur në ambiente të përshtatshme. Sonte po përgatitet kthimi i tyre në Kosovë. Për momentin në spitalin e Sllavonski Brodit janë ende të shtrirë 15 bashkatdhetarë nga të cilët dy në njësinë intensive dhe një prej tyre është ende në gjendje të rëndë”, ka shkruar Vitia në llogarinë e vet në “Facebook”.

Postimi i plotë i tij:

Të nderuar qytetarë,
Të dashur bashkatdhetarë,
Këto ditë së bashku me Ministrin e Punëve të Brendshme z. Xhelal Sveçla kemi ndjekur nga afër situatën me bashkëatdhetarët tanë të lënduar nga aksidenti tragjik .
Pas diskutimeve të fundit me menaxhmentin e spitalit ne Sllavonski Brod dhe Ministrin e Shëndetësisë Vili Berosh, tani më janë liruar 26 bashkatdhetarë të cilët ndihen mirë dhe janë vendosur në ambiente të përshtatshme. Sonte po përgatitet kthimi i tyre në Kosovë.
Për momentin në spitalin e Sllavonski Brodit janë ende të shtrirë 15 bashkatdhetarë nga të cilët dy në njësinë intensive dhe një prej tyre është ende në gjendje të rëndë.
Të tjerët janë stabil dhe jashtë rrezikut për jetë. Ndërsa një pacient që ishte dërguar në spital në Zagreb, është në gjendje stabile dhe jashtë rrezikut për jetë.
Gjatë ditës së sotme priten edhe lirime të tjera.
Falënderime pafund personelit shëndetësor ne spital dhe autoriteteve kroate për angazhimin dhe reagimin e shpejtë në ndihmën e ofruar për bashkatdhetarët tanë.
Ngushëllime të gjithë familjarëve dhe qytetarëve të Republikës për humbjen e jetës së dhjetë bashkëqytetarëve tanë në këtë aksident tragjik dhe shërim sa më të shpejtë për pacientët, duke siguruar se Qeveria do të qëndroj vazhdimisht pranë për të lehtësuar sadopak dhimbjen në këto momente të vështira për të gjithë ne.

Lajme të sponsorizuara

Të fundit
Koronavirusi kthehet te klubet dhe gjatë ditëve të fundit janë…