Presidenti i Serbisë, Aleksandër Vuçiq, ka theksuar të enjten se ka marrë vlerësime të caktuara nga kryetari i diplomacisë ruse, Sergey Lavrov, sipas të cilit vendin e tij e pret një periudhë shumë e vështirë, në të cilën siç ka thënë ai “do të përballemi me presione të mëdha sa i përket Kosovës në mënyrë që të realizojmë plane të mëdha që nuk i kemi marrë as zyrtarisht as jozyrtarisht”.

Në konferencën për medie pas takimit me Lavrovin në Beograd, Vuçiqi ka thënë se ka marrë disa vlerësime nga Sergey Lavrov, të cilat gjithashtu e kanë shqetësuar për çështjen e krizës së Kosovës, raporton “Tanjug”.