Tedi Blushi, zëdhënësi i Presidentit Ilir Meta, ka reaguar sot ndaj disa deklaratave të PS-së ku sulmohet kreu i shtetit.

Në një publikim në “Facebook”, Blushi shprehet se do ketë disa dekrete për shpartallimin e grushtit të shtetit që po konsumohet nga Rilindja.

Lidhur me shpërndarjen e Kuvendit, Blushi thotë se Parlamentin do ta shpërndajë populli.

“Parlamentin do e shpërndajë populli. Presidenti vetëm do zbatojë vullnetin e tij.

Dhe dekretin për kthimin e ligjit për grushtin e shtetit do e vendosë populli. Presidenti vetëm do e firmosë në emër të tij.

DO KETË DISA DEKRETE PËR SHPARTALLIMIN E GRUSHTIT TË SHTETIT.

BËNI DURIM! DEKRETET DO T’I ZBATOJË POPULLI SHQIPTAR!”,- shprehet Blushi në një postim në Facebook.