Gent Sejko është zgjedhur për herë të dytë Guvernator i Bankës së Shqipërisë, pas një mandati 7-vjeçar në krye të këtij institucioni.

Sejko siguroi 103 vota pro, 1 deputet votoi kundër dhe një tjetër abstenoi, nga 104 ligjvënës që ndodheshin në sallë në momentin e votimit.

Ai drejton Bankën e Shqipërisë që prej 5 shkurtit të vitit 2015.

Detyrat e Guvernatorit të Bankës së Shqipërisë

Guvernatori vepron si Drejtor i Përgjithshëm Ekzekutiv i Bankës së Shqipërisë, i ngarkuar për mbarëvajtjen e veprimtarisë së përditshme të saj dhe si Kryetar i Këshillit Mbikëqyrës të Bankës së Shqipërisë.

Kush e ka mbajtur më herët këtë detyrë

Ardian Fullani (Tetor 2004 – Shtator 2014)

Prof. Dr. Shkëlqim Cani (Gusht 1997 – Tetor 2004)

Qamil Tusha (Prill 1997 – Gusht 1997)

Kristaq Luniku (Dhjetor 1994 – Prill 1997)

Dylber Vrioni (Shtator 1993 – Dhjetor 1994)

Ilir Hoti (Maj 1992 – Shtator 1993)