Zonja e Parë mezi pret të divorcohet nga Donald Trump?

14 gusht 2018 | 14:16

Zonja e Parë e ShBA-së është duke numëruar ditët mbrapsht para se t’i kërkojë divorcin presidentit amerikan, Donald Trump. Ky është pretendimi i Omarosa Manigault Newman, ish-ndihmëse e presidentit amerikan.

Sipas saj, Melania Trump është duke pritur që bashkëshortit të saj t’i përfundojë mandati e më pas t’i kërkojë atij divorcin.

“Mendoj se Melania numëron minutat deri në përfundimin e mandatit të burrit të saj që të mund të divorcohet nga ai”, ka shkruar Newman në librin e saj “Unhinged” (Jasht kontrollit), në të cilin përshkruan ditët që ka kaluara në Shtëpinë e Bardhë.

Ajo ka komentuar edhe marrëdhëniet në Shtëpinë e Bardhë dhe, ndër të tjera, pretendon se zonja e parë e ShBA-së Melania përzgjedh rrobat me të cilat shfaq një frymë pasive-agresive.

“Kur shihni rrobat të cilat vesh Melania Trump, shihet një rebelim në stilin që ka një qëllim. Besoj se Melania shfrytëzon këtë stil për të ndëshkuar burrin e saj”, ka konsideruar Newman, e cila ka pohuar se Melania vesh rroba të caktuara për të përulur burrin e saj.

Newman ka thënë se Trumpi kishte detyruar gruan e tij të shkojë në qendrën ku jetojnë emigrantët, e në këtë vizitë Melania kishte veshur një pallto ku shkruhej “I really don’t care” (Me të vërtetë nuk më intereson).

Lajme të sponsorizuara

Të fundit
Dhjetëra veturave u është vënë zjarri në Suedi një natë…