Pep Guardiola do të jetë trajner i Manchester Cityt deri në vitin 2025. Ka qenë vetë klubi anglez ai që ka zyrtarizuar zgjatjen e kontratës me teknikut spanjoll edhe për dy vite të tjera.

Deri më tani, Guardiola i ka fituar 11 trofe të rëndësishëm, duke përfshirë katër nga pesë titujt e fundit të Premierligës. Në të gjitha garat, ai ka fituar 271 nga 374 ndeshjet që ka drejtuar, pra ka pasur sukses të plotë në 72.4% të tyre.

“Jam shumë i kënaqur që do të qëndroj te Manchester City edhe për dy vite të tjera. I falënderoj të gjithë në klub që më besuan. Jam i lumtur dhe ndihem këtu. Kam gjithçka që më nevojitet për ta bërë punën time sa më mirë. Unë e di se kapitulli tjetër i këtij klubi do të jetë i mrekullueshëm për dekadën e ardhshme. Kjo ka ndodhur gjatë dhjetë viteve të fundit dhe do të ndodhë në dhjetë vitet e ardhshme, sepse ky klub është shumë i qëndrueshëm. Unë kam besim se mund të arrijmë më shumë së bashku dhe kjo është arsyeja pse unë dua të qëndroj dhe të vazhdoj të luftoj për trofe”, ka thënë Guardiola.