>

Ndërrohet komanda e FSK-së në Komandën e Doktrinës dhe Stërvitjes

13 mars 16:07

Në kazermën “Skënderbeu” të Forcës së Sigurisë së Kosovës (FSK) në Ferizaj, është zhvilluar të martën ceremonia e ndërrimit të Komandës së Doktrinës dhe Stërvitjes (KDS).

Komandanti i deritanishëm, gjeneralbrigade Enver Cikaqi ia ka dorëzuar detyrën komandantit të sapoemëruar gjeneralbrigade Irfete Spahiu.

Gjeneralbrigade Irfete Spahiu është oficerja e parë grua, e graduar në këtë rang, nga radhët e Forcës së Sigurisë së Kosovës, si dhe oficerja e parë në detyrën e komandantit të Brigadës.

Në ceremoninë solemne ishin të pranishëm ministri i MFSK-së, Rrustem Berisha, zëvendësministri Agim Çeku, komandanti i FSK-së, gjenerallejtënant Rrahman Rama, drejtori i NLAT-it, gjenerali Hofmann, ambasadorja e Turqisë në Kosovë, Kivilcim Kiliq, komandanti i kampit Bonstell, gjeneralët e FSK-së, përfaqësues të institucioneve qendrore dhe lokale.

Ceremonia e ndërrimit të komandës ka filluar me intonimin e himnit shtetëror.

Me pas është lexuar dekreti i presidentit të Republikës së Kosovës, Hashim Thaçi, për gradimet dhe emërimin e gjeneralbrigade Enver Cikaqi, komandant i Komandës së Forcave Tokësore dhe gjeneralbrigade Irfete Spahiu, komandante e KDS-së.

Fjalët Kyçe:

Lajme të sponsorizuara

Të fundit
Të fundit
Mario Balotelli ka konfirmuar se e do ekipin kombëtar dhe…