Dhjetë familje në Komunën e Malishevës janë bërë me shtëpi të reja. Kryetari i Malishevës, Ekrem Kastrati, ka bërë me dije se para një viti kanë nisur një bashkëpunim shumë të mirë me organizatën “Qatar Charity”, i cili bashkëpunim po rezulton me ndërtimin e shtëpive të reja për familjen në nevojë.

“Sot i kemi ndarë çelësat e shtëpive të ndërtuara dhe mobiluara tërësisht për 10 familje, që jetojnë në kushte të vështira ekonomike e sociale. I uroj nga zemra secilën familje që nga sot do të jetojnë në kushte më të mira dhe me mirëqenie sado më të lartë”, ka thënë kryetari Kastrati.