Një sulm vetëvrasës në kryeqytetin e Somalisë, Mogadishu, ka vrarë së paku nëntë persona, përfshirë ish-ministrin e Jashtëm të këtij vendi, Hussein Elabe Fahiye.

Zyrtarët somalez kanë thënë se 13 persona të tjerë janë  plagosur.

Përgjegjësinë për sulmin e ka marrë grupi militant Al Shabab.

Shpërthimi i makinës bombë ka ndodhur në një postbllok të sigurisë pranë pallatit presidencial.

Al Shababi, grup i lidhur me Al Kaidën, kryen shpesh sulme që shënjestrojnë zyrtarët dhe hotelet që frekuentohen nga të huajt.