Kremlini ka njoftuar se kacelarja gjermane, Angela Merkel, ka pranuar ftesën e presidentit rus, Vladimir Putin, për të vizituar Rusinë më 11 janar.

Shërbimi për media i Putinit ka njoftuar se ky i fundit dhe Merkel do të diskutojnë për krizën në Lindjen e Mesme, e cila është thelluar prejse një sulm i ShBA-së ka vrarë udhëheqësin e forcës Kuds të Iranit, Qasem Soleimani, më 3 janar.

Po ashtu, theksohet se dy liderët do të bisedojnë edhe për situatën në Siri, Libi dhe Ukrainë.

Zyra e Merkelit po ashtu ka konfirmuar se kancelarja gjermane planifikon të vizitojë Rusinë më 11 janar dhe të takojë Putinin.