Ish-sulmuesi i Milanit, Krishtof Piatek mund të rikthehet të luajë sërish në Itali.

Sipas “La Nazione”, Fiorentina kërkon të blejë mesfushorin e Sampdorias, Karol Lineti, i cili ka të njëjtin menaxher me sulmuesin e Herthas, Piatek. Gjithmonë sipas këtij mediumi, drejtuesit e Fiorentinës do të përpiqen të bindin ish-futbollistin e Milanit të veshë fanellën vjollcë sezonin e ardhshëm.

Megjithatë, duke parë rënien e formës së tij në vitin e fundit, Fiorentina nuk ka ndërmend ta blejë menjëherë Piatekun, por propozon ta marrë në formë huazimi për dy vite dhe më pas të vendosë.