Kuvendi i Kosovës është mbledhur sot për të vazhduar shqyrtimin e pikave të mbetura nga seanca e kaluar.

Pika e parë në rend të ditës ka qenë shqyrtimi i parë i Projektligjit për të drejtat pronësore të shtetaseve të huaj në Republikën e Kosovës.

Deputeti Demal Basha nga Lëvizja Vetëvendosje, ka thënë se projektligji në fjalë nuk do ta ketë përkrahjen pasi sipas tij, ky projektligj i trajton njëjtë shtetasit rus me ata amerikanë.

Gjithashtu edhe deputeti nga Partia Demokratike e Kosovës, Abelard Tahiri, ka thënë se nuk do ta votojë projektligjin për të Drejtat Pronësore të shtetasve të huaj.

Sipas tij, projektligji në fjalë përmban shumë paqartësi.