Zyrtari i PDK-së, Ilir Gashi ka deklaruar se Etem Arifi e ka votuar edhe Glauk Konjufcën për kryetar të Kuvendit të Kosovës.

Në profilin e tij në “Facebook”, ai ka shkruar se Lëvizja Vetëvendosje ka zhvilluar 4 raunde bisedime që të marr votën e deputetit Arifi për qeverinë Kurti.

“Deputeti Ethem Arifi dhe Lëvizja Vetëvendosje kanë zhvilluar 4 raunde bisedime që të marrin votën e deputetit Arifi për qeverinë Kurti! Nuk janë pajtuar për pozita! Për më shumë deputeti Arifi ka votuar edhe Glauk Konjufcën për kryetar të Kuvendit! A po tingëllon dyftyrësi e Lëvizjes”, ka shkruar Gashi.

Çështje e votës së deputetit Arifi, i cili është dënuar për burg efektiv, tashmë është dërguar për interpretim në Gjykatë Kushtetuese. Dje  është mbajtur një seancë publike për këtë rast.