Kryetari i Lëvizjes Vetëvendosje, Albin Kurti gjatë takimit virtual që pati të enjten me zëvendës Ndihmës Sekretarin Amerikan të Shtetit, Matthew Palmer kanë folur për nevojën e koordinimit të SHBA-ve dhe BE-së për dialogun Kosovë-Serbi.

Kurti në “Twitter” ka bërë me dije se gjatë këtij takimi me Palmerin dhe ambasadorin e SHBA-ve në Kosovë, Philip Kosnett kanë folur edhe për nevojën urgjente që ka Kosova për t’u furnizuar me vaksina dhe rëndësinë e investimeve të SHBA-së.

“Sot kam pasur një takim virtual me Zëvendës Ndihmës Sekretarin Amerikan të Shtetit, Matt Palmer dhe ambasadorin Kosnett. Ne diskutuam nevojën urgjente të Kosovës për vaksina, rëndësinë e investimeve të Shteteve të Bashkuara dhe koordinimin midis SHBA dhe BE mbi dialogun”, ka shkruar Kurti.