Leonora Morina-Bunjaku prezanton programin për Gjilanin, prioritet të rinjtë dhe gratë (VIDEO)

22 shtator 2021 | 19:01

Kandidatja e Partisë Demokratike të Kosovës për kryetare të Gjilanit, Leonora Morina-Bunjaku ka prezantuar sot planin për udhëheqjen e kësaj komune për katër vitet e ardhshme.

Prioritet i saj kryesor janë të rinjtë e gratë, për Gjilanin bashkëkohor, të gjelbër, digjital, inovativ, të sigurt dhe të mirë organizuar.

Kandidatja Morina-Bunjaku përmes një video-adresimi, drejtuar qytetarëve të Gjilanit të të gjitha moshave dhe profesioneve, tifozerisë së derbit më të njohur në Ballkan – Intelektualëve të Dritës e Skifterëve të Gjilanit, si dhe bashkëkombësve nga Presheva, Bujanoci e Medvegja, ka thënë se me planprogramin dhe ekipin e saj do t’ia rikthejë perspektivën Gjilanit duke ofruar qeverisje të mirë e të ligjshme, transparencë,  llogaridhënie dhe shërbime cilësore.

“E keni parë që ata që qeverisën deri tash, u lodhën. Mendjen në Prishtinë, e këmbët në Gjilan. Por Gjilani meriton një qeverisje që nuk lodhet. Që e ka mendjen, fokusin dhe interesin vetëm tek Gjilani dhe qytetarët e tij.  Prandaj, ne jemi alternativë. I vetmi numër që sjell shpresë dhe risjell perspektivë në Gjilan, është numri 177, i Partisë Demokratike të Kosovës.”, tha ajo.

Morina Bunjaku u zotua se do të angazhohet në rritjen e besimit të qytetarëve në institucionin e komunës duke e bërë Gjilanin qytet të sigurtë dhe duke e nxjerrë atë nga formati i kronikave të zeza, duke krijuar lidhje me investitorët vendor dhe të huaj, përfshirë edhe mërgatën tonë.

“Ne i kemi dhënë shpirt zhvillimit urban e ekonomik të Gjilanit. Por krahas zhvillimit, do të kujdesemi për të respektuar në plotni Planin Rregullativ e Zhvillimor Urban. Do të krijojmë mjedis të përshtatshëm për bizneset e vogla, të mesme e të mëdha. Do stimulojmë e mundësojmë jetë aktive kulturore, jo vetëm në qytet por edhe në fshatra. Gjilani do të bëhet me kinema. Me finalizim të sheshit. Me projekte që nuk zvarriten për dekada. Në komunën e drejtuar nga unë, ju do të merrni shërbime të shpejta e të lehta, pa burokraci dhe në një ambient ku shërbeheni, e jo ku anashkaloheni dhe diskriminoheni. Kemi plan edhe për një Gjilan pa ndotje. Pa mbeturina urbane. Pa ndotje ajri. Pa ndotje të lumenjve, pyjeve e maleve.”, potencoi ajo.

Morina Bunjaku premtoi shëndetësi efikase, arsim digjital me tabela inteligjente në çdo klasë, zona të lira për internet në çdo shesh, rregullimin e stacionit të autobusëve, funksionalizimin e stadiumit, shkollës së muzikës, e-kiosqe me shërbime të integruara në një vend, ndërtimin e nënkalimeve funksionale dhe ndërtimin e parkingjeve.

“Vajza e gra të Gjilanit. Është koha të forcojmë pozitën e gruas në shoqëri, e veçmas në nivel lokal. Deri më sot, kemi pasur pak drejtori komunale që udhëhiqen nga gratë, ndërsa sot, ju keni mundësinë që të bëheni bashkë, për gruan e parë Kryetare të Komunës suaj. Unë premtoj para jush që në qeverisjen time, gratë do të udhëheqin shumicën e drejtorive, për t’i dhënë qeverisjes dimensionin e barazisë e të përkushtimit që gratë dinë të sjellin.”, tha Morina Bunjaku.

Ajo ftoi qytetarët që me 17 tetor ta votojnë kauzën e përbashkët të PDK-së dhe ta ndëshkojnë kryetarin e tanishëm, që e konsideroi veten të madh e Komunën e Gjilanit e zhvleftësoi në komunë të vogël.

Linku i video-adresimit në Facebook:

Lajme të sponsorizuara

Të Fundit
23 tetor11:18

Kalimi i traut të Kalimashit në Autostradën e Kombit pritet të shtrenjtohet nga 5 në 8 euro
23 tetor11:09

Tirana dhe Prishtina synojnë thellimin e bashkëpunimit për ruajtjen e arkivave historike
23 tetor10:53

Presidentja Shiroka-Pula merr letër urimi nga homologu austriak, Van der Bellen
23 tetor10:52

Cakolli: Çdo ndryshim i Ligjit për Specialen rrezikon të përfundojë në Dhomën Kushtetuese në Hagë Hulumtuesi i lartë në Institutin Demokratik të Kosovës (KDI), Eugen Cakolli, ka paralajmëruar se çdo ndryshim i Ligjit për Dhomat e Specializuara të Kosovës mund të kontestohet dhe të përfundojë në shqyrtim nga Dhoma Kushtetuese e Gjykatës Speciale në Hagë. Cakolli ka vlerësuar se Kuvendi i Kosovës duhet ta trajtojë me kujdes ligjin e kthyer nga presidentja Justina Shiroka-Pula, duke theksuar se ndryshimet eventuale duhet të kufizohen në çështjet e evidentuara dhe të bëhen në përputhje me rregullat parlamentare. Ai ka shpjeguar se Komisioni për Legjislacion ka afat prej katër javësh për ta shqyrtuar vendimin e presidentes dhe për t’ia paraqitur Kuvendit një raport me rekomandime për hapat e mëtejshëm. “Menjëherë pasi presidentja e ka dërguar shkresën përkatëse dhe vendimin për ta kthyer ligjin, çështja i rikthehet vendimmarrjes së Kuvendit të Kosovës, por brenda një afati dhe me një shumicë të ndryshme nga ajo paraprake”, ka thënë Cakolli. Sipas tij, kryetarja e Kuvendit, Albulena Haxhiu, duhet t’ua përcjellë vendimin deputetëve dhe Komisionit për Legjislacion, i cili duhet ta shqyrtojë arsyetimin e presidentes dhe të vlerësojë nëse janë evidentuar nene problematike apo shkelje të mundshme të procedurave kushtetuese dhe obligimeve ndërkombëtare. Cakolli ka thënë se Komisioni mund të rekomandojë dy rrugë: që Kuvendi ta mbivotojë vendimin e presidentes dhe ta miratojë ligjin në përmbajtjen aktuale, ose që të merren parasysh vërejtjet e saj dhe të bëhen ndryshimet përkatëse. “E para është që të konstatohet se Kuvendi duhet ta mbivotojë veton e presidentes, për çka nevojiten të paktën 61 vota për, në mënyrë që ligji të hyjë në fuqi edhe pa dekret të presidentes, në raport me përmbajtjen aktuale siç e ka pasur në momentin e miratimit. Ose mund të rekomandojë që të merren parasysh vërejtjet e evidentuara nga presidentja dhe të njëjtat të inkorporohen në ligj”, ka deklaruar ai. Ai ka shtuar se, nëse vendoset për ndryshimin e ligjit, procedura duhet të zhvillohet në përputhje me rregullat parlamentare, në mënyrë që të shmangen probleme të tjera juridike kur ligji t’i dërgohet sërish presidentes. Cakolli ka vënë në pikëpyetje edhe arsyetimin e kthimit të ligjit, duke kërkuar që të bëhet e qartë nëse vendimi i presidentes është bazuar në përmbajtjen e tij apo në kërkesën e Partisë Demokratike të Kosovës (PDK), e cila e kishte sponsorizuar nismën. Ai ka vlerësuar se mënyra se si është vepruar e ka ngritur dilemën nëse Presidenca ka pasur vërejtje për përmbajtjen e ligjit apo vetëm e ka përcjellë kërkesën e partisë sponsorizuese. “Ka qenë jashtëzakonisht e çuditshme, për të mos thënë shkurtpamëse, ajo që ndodhi. Presidenca deklaroi se ligji është tërhequr me kërkesë të një pale, e cila ka qenë njëkohësisht edhe sponsorizuese e ligjit dhe një prej promotoreve kryesore të miratimit urgjent të projektligjit”, ka thënë Cakolli. Ai ka kritikuar gjithashtu PDK-në, duke kujtuar se fillimisht kishte kërkuar miratimin e ligjit me nguti, ndërsa më pas ka kërkuar rishqyrtimin dhe forcimin e disa dispozitave. Sipas Cakollit, ndryshimet e mundshme duhet të shqyrtohen me kujdes, pasi bëhet fjalë për një ligj që prek proceset gjyqësore në Hagë dhe obligimet ndërkombëtare të Kosovës. “Është një situatë e pakuptimtë, për shkak se i njëjti ligj u kërkua të miratohej me nguti, ndërsa tash po thuhet se ka elemente që mund të forcohen. Këto ndryshime është dashur të bëheshin gjatë periudhës përkatëse, për shkak se kemi të bëjmë me një ligj që prek një çështje tepër të rëndësishme, jo vetëm në kuptim të procedurave gjyqësore që po zhvillohen në Hagë, por edhe të obligimeve ndërkombëtare që Kosova ka si partnere ndërkombëtare, posaçërisht në raport me Bashkimin Evropian”, ka deklaruar ai. Cakolli ka theksuar se presidentja nuk mund ta kthejë për herë të dytë të njëjtin ligj, pavarësisht nëse Kuvendi vendos ta mbivotojë vendimin e saj apo ta ndryshojë përmbajtjen e tij. Ai ka paralajmëruar se çdo variant i ligjit mund të kontestohet në Dhomën Kushtetuese të Gjykatës Speciale në Hagë. “Secili variant i ligjit, përkatësisht ndryshimi i Ligjit për Dhomat e Specializuara, ka pasur dhe do ta ketë rrezikun që të kontestohet dhe eventualisht të trajtohet nga Dhoma Kushtetuese e Gjykatës Speciale në Hagë. Prandaj, çfarëdo ndryshimi që do të bëhet në këtë ligj, me gjasë do të përfundojë atje, në një mënyrë apo tjetrën”, ka thënë Cakolli. Ai ka shtuar se, sipas vlerësimit të tij, ndryshimet që do të ishin plotësisht në përputhje me Kushtetutën mund të mos kishin efekt praktik, duke e cilësuar këtë si një situatë paradoksale. Cakolli ka theksuar se gjatë katër javëve në vijim do të shihet se si do të procedohet me ligjin dhe cilat do të jenë qëndrimet e partive politike. Presidentja Justina Shiroka-Pula e ka kthyer Ligjin për Dhomat e Specializuara pas kërkesës së PDK-së për rishqyrtimin e tij. Sipas njoftimit të Presidencës, kërkesa lidhej veçanërisht me dispozitat për juridiksionin dhe mandatin e Gjykatës në Hagë, si dhe me garantimin e të drejtave kushtetuese të personave që po gjykohen pranë këtyre Dhomave. Në arsyetimin e saj, sipas Presidencës, Shiroka-Pula ka ritheksuar qëndrimin kundër përpjekjeve për shtrembërimin e së vërtetës historike të Kosovës dhe barazimit të luftës çlirimtare me regjimin që e shtypi vendin. Ndërkaq, PDK-ja ka deklaruar se rishqyrtimi synon plotësimin e dispozitave të caktuara dhe forcimin e sigurisë juridike, në funksion të interesit shtetëror dhe garantimit të të drejtave kushtetuese të personave që po gjykohen në Dhomat e Specializuara. Partia ka shprehur pritjen që ligji të miratohet sërish pas përfundimit të procesit të rishqyrtimit.
23 tetor10:49

Gjini: Qeveria i solli kompanitë e qumështit para kolapsit, importi nga Serbia u rrit me të paktën 40 për qind
23 tetor09:19

Ligji për Specialen kthehet në Kuvend, rinis debati politik, për miratim duhen 61 vota
✖
Të fundit
Kandidatja e Partisë Demokratike të Kosovës për kryetare të Gjilanit,…