Presidenti i Barcelonës, Joan Laporta, ka konfirmuar se tashmë kanë siguruar transferimin e dy futbollistëve.

Laporta zbuloi se njëri prej tyre është mesfushor, kurse tjetri qendërmbrojtës, por nuk zbuloi emrat e tyre.

“Ne kemi finalizuar dy nënshkrime për sezonin e ardhshëm. Një mesfushor dhe një qendërmbrojtës. Por, nuk mund t’i them emrat e tyre”, ka thënë ai për “RAC1”.

Kujtojmë se kohëve të fundit është raportuar se Franck Kessie dhe Andreas Christensen janë futbollistët që kanë arritur marrëveshje me klubin katalunas.

Të dy futbollistët në “Camp Nou” pritet të kalojnë si lojtarë të lirë, pasi kontratat e tyre me Milanin, respektivisht Chelsean, skadojnë me 30 qershor.