Ministrja e Drejtësisë, Albulena Haxhiu, tha në emisionin “Rubikon” në “Klan Kosova”, se kur qytetarët e humbin besimin në institucionet e drejtësisë, kërkojnë rrugë të ikin nga Kosova.

Haxhiu tha se po punon që të bëhet reforma në sistemin e drejtësisë.

Ajo theksoi se qytetarët është dashur të presin edhe 20 vjet për t’ju njohur e drejta e pronës.

“Unë jam ministre e Drejtësisë dhe po punoj për reformat në sistemin e drejtësisë sepse konsideroj se kemi shumë probleme në sistemin e drejtësisë. Kur qytetarët e humbin besimin në këto institucione, ata do ta gjejnë rrugën të ikin nga vendi”, tha Haxhiu.