Shefi i Misionit në Konsullatën e Përgjithshme të Republikës së Kosovës në Nju-Jork, ambasadori Blerim Reka, me rastin e Ditës së Përkujtimit të Holokaustit,  ka pritur në takim zëvendëspresidentin e bordit të rabinëve të Nju-Jorkut, Joseph Potasnik, i cili është njeri nga 50 rabinët më inspirues botëror, rabinën Diana Gerson dhe Henry Levy, botues i “The Jewish Pos”.

Reka ka thënë se nga mysafirët ka marrë falendërime për Kosovën dhe Shqipërinë për shpëtimin e hebrenjve gjatë Luftës së Dytë Botërore.

“Me rastin e Holocaust Remembrance Day, dje prita rabinin Joseph Potasnik, zëvendëspresident i Bordit të Rabinëve të Nju Jorkut dhe njërin nga 50 rabinët më inspirues botëror. Në takimin ku ishin edhe Rabinja, Diana Gerson dhe Henry Levy, botues i ‘The Jewish Pos’, ata falënderuan Kosovën dhe Shqipërinë për shpëtimin e hebrenjve gjatë Luftës së Dytë Botërore. Vetësakrifica e shqiptarëve mbi besën e dhënë, nuk e dorëzoi asnjë hebre në duart e nazistëve. Kjo e vërtetë historike për shpëtimin e hebrejve nga shqiptarët duhet t’u tregohet gjeneratave të reja, tha Rabini Potesnik”, ka shkruar Reka në “Facebook”.