Sulmuesi Karim Benzema raportohet se ka arritur marrëveshje me klubin nga Arabia Saudite, Al-Ittihad. Ishte eksperti i transferimeve, Fabrizio Romano që raporton se tashmë marrëveshja mes dy palëve është arritur.

Sulmuesi francez do ta vazhdojë karrierën në Saudi Pro League, ku do t’i bashkohet kampionit, Al-Ittihad.

Benzema të dielën u zyrtarizua se nuk do të vazhdojë me Realin, ku kishte korrur suksese të jashtëzakonshme. Te Al-Ittihad Benzema raportohet se do të përfitojë rreth 100 milionë euro në vit, plus disa benefite tjera.