Ministri i Mbrojtjes i Kosovës, Armend Mehaj, ka publikuar fotografi nga stërvitjet e pjesëtarëve të Forcës së Sigurisë së Kosovës.

Mehaj, në një postim në “Facebook”, ka thënë se ushtria jonë është krenaria e kombit.

“Detyra, nderi, atdheu! Ushtria jonë, krenaria e kombit. Çdo ditë me punë dhe përkushtim në rrugën tonë drejt anëtarësimit në NATO”, ka shkruar Mehaj.

Ndërsa, një ditë më parë, Mehaj ka bërë thirrje që qytetarët të japin kontributin e tyre duke dhuruar në Fondin e Sigurisë.

Ai ka thënë se ushtria përmes investimit në armatime dhe pajisje të tjera ushtarake po konsolidohet në vazhdimësi.