Kampioni i Kosovës në futboll, Ballkani, sonte do ta nisë kampanjën e finaleve në UEFA Conference League.

Në “Doosan Arena”, ekipi i Ilir Dajas do të përballet me ekipin çek, Viktoria Plzen.

Loja pritet të nisë në orën 21:00.

Një ditë para ndeshjes trajneri Ilir Daja dhe sulmuesi Albin Berisha shprehën optimizëm për një lojë të mirë.

Kjo është hera e dytë që kampioni i Kosovës arrin në fazën e grupeve të kësaj gare.

Edicionin e kaluar ky ekip arriti t’i marrë katër pikë me një fitore dhe një barazim.

Sonte Ballkani do të paraqitet pa Albion Rrahmanin, Meriton Korenicën etj.