Sulmuesi i Përfaqësueses së Kosovës në futboll, Vedat Muriqi është shprehur i lumtur me kualifikimin historik të Mallorcës në finale të Copa del Rey.

Muriqi realizoi një gol nga penalltia në duel me Real Sociedadin në ndeshjen e kthimit gjysmëfinale. Dy takimet përfunduan baras, 0-0 dhe 1-1 dhe kështu fituesin e përcaktuan 11 metërshat.

“Ne nuk e mendojmë dhe nuk kemi frikë nga dështimi, gjëja e vetme për të cilën mendojmë është lavdia! Hapi i fundit për ta bërë një ëndërr realitet! Do ta arrijmë së bashku me ju!”, ka shkruar Muriqi në “Instagram”.