Demokracia në Veprim (DnV), rrjeti i organizatave qeveritare që monitoron zgjedhjet, ka filluar përgatitjet për zgjedhjet e 9 shkurtit 2025.

Drejtori i ekzekutiv i Institutit Demokratik të Kosovës (KDI), Ismet Kryeziu, ka treguar se bordi i DnV-së ka mbajtur të martën një mbledhje  ku është diskutuar për planifikimet që lidhen me vëzhgimin e të gjitha fazave të procesit zgjedhor.

“Në takimin e sotëm të bordit të DnV-së diskutuam për planifikimet që lidhen me vëzhgimin e të gjitha fazave të procesit zgjedhor. Si gjithnjë, përkushtim për të bërë më të mirën dhe për të kontribuar në zgjedhje me integritet”, ka shkruar Kryeziu në “Facebook”.