Ish-ministri i Mbrojtjes, Anton Quni ka uruar Ditën e Veteranit.

Nëpërmjet një postimi në Facebook, Quni uroi që kontributi e sakrifica e secilit veteran, të jetë shembull për brezat e ardhshëm e u kujtoftë me krenari trimëria e dashuria e tyre e madhe për atdheun.

“Gëzuar Dita e Veteranëve të UÇK-së! Gëzuar kjo ditë të gjithë veteranëve e bashkëluftëtarëve që me besa-besë i rrokëm pushkët për lirinë e vendit tonë të shenjtë, Kosovën! Kontributi e sakrifica e secilit veteran, qoftë shembull për brezat e ardhshëm e u kujtoftë me krenari trimëria e dashuria e tyre e madhe për atdheun! Gëzuar e faleminderit për kontributin tuaj!” – ka shkruar ai.