Ekspertja e energjisë Janina Ymeri ka thënë se Kosova brenda këtij viti ka harxhuar 220 milionë euro për import të energjisë elektrike.

Në emisionin “Rubikon” ajo ka theksuar se situata me furnizimin e energjisë elektrike në vend viteve të mëhershme ka qenë më e parashikueshme.

“Jemi mbi 220 milionë euro import, e kemi tejkaluar importin e çdo viti tjetër, vetëm këtë vit. Jemi mbi 220 milionë euro import, kjo është e paparashikueshme. Ka ndodh për shembull për një ditë që kosto e bartjes së energjisë elektrike ka shkuar mbi 1 milion euro, është e tepërt”, tha Ymeri.

Ymeri theksoi se nesër Kosova mund të harxhojë deri në 300 mijë euro për furnizim me rrymë nga importi.