Kanë diplomuar 21 kadetët që e kanë përfunduar me sukses trajnimin profesional për zjarrfikës.

Ky trajnim ka qenë i ndarë në 9 module për 20 javë, ku kadetëve u është mundësuar fitimi i njohurive të avancuara dhe aftësia konkrete për reagim të shpejtë dhe efikas në raste emergjencash, parandalimin dhe menaxhimin e zjarreve, si dhe për ndërhyrje profesionale në mbrojtje të jetës njerëzore, pronës dhe mjedisit.

Në këtë ceremoni diplomimi ka marrë pjesë edhe ministri në detyrë i Punëve të Brendshme, Xhelal Sveçla i cili ka  ka falënderuar të gjithë instruktorët dhe trajnerët si dhe partnerët ndërkombëtar që kanë kontribuar në këtë projekt.