Pjesëmarrja e Irakut në fazën “play-off” për kualifikim në Botërorin 2026 është bërë e pasigurt për shkak të situatës së tensionuar të luftës në Lindjen e Mesme.

Problemet me udhëtimet dhe marrjen e vizave po krijojnë vështirësi organizative për kombëtaren irakiane, e cila duhet të luajë ndeshjen “play-off” në Monterrey, Meksikë.

Federata e Futbollit të Irakut është në kontakt me FIFA-n për gjetjen e një zgjidhjeje, pasi në rast se situata nuk përmirësohet, pjesëmarrja e skuadrës në play off mund të vihet seriozisht në rrezik.

Iraku synon kualifikimin në Botërorin 2026 që do të zhvillohet në ShBA, Meksikë dhe Kanada.