Nënkryetarja e Prishtinës, Besianë Musmurati, ka bërë me dije një iniciativë të re të Drejtorisë së Hapësirave Publike dhe Parqeve, e cila synon identifikimin dhe renovimin e lodrave të dëmtuara në këndet e lojërave në të gjitha lagjet e kryeqytetit.

Këtë nismë mund ta ndihmojnë edhe qytetarët përmes raportimit të lodrave të dëmtuara në këndet e lojërave.

Sipas njoftimit, çdo raportim do të shqyrtohet nga ekipet e Drejtorisë së Hapësirave Publike dhe Parqeve, të cilat do të planifikojnë ndërhyrjet për riparimin dhe renovimin e lodrave.

Qëllimi i kësaj iniciative është që këndet e lojërave të jenë më të sigurta dhe funksionale për fëmijët.