Blerim Haxhiaj nuk do të vazhdojë më në pozitën e ushtruesit të detyrës së kryeredaktorit të kanaleve televizive në gjuhën shqipe të Radio Televizionit të Kosovës (RTK).

31 korriku ka qenë dita e fundit e punës së tij në këtë pozitë, ndërsa vendin e tij do ta zërë Venera Xhoxhaj-Adili.

Lajmi është bërë me dije përmes në një e-maili të parë nga “Express”-i, në të cilin ushtruesi i detyrës së drejtorit të përgjithshëm të RTK-së, Rilind Gërvalla, ka njoftuar për ndryshimin në udhëheqjen e redaksisë.

“Duke filluar nga sot, 4.08.2026, ftohen të gjithë kolegët që të bashkëpunojnë ngushtë me znj. Xhoxhaj-Adili”, thuhet në e-mailin e Gërvallës.