Deputetët e PDK-së janë përplasur me ministren në detyrë të Drejtësisë, Donika Gërvalla, gjatë qëndrimit në Kuvend, ku dyert ishin hapur për mërgimtarët.

Deputetët e PDK-së i kanë kërkuar Gërvallës që të thirret seanca konstituive e Kuvendit, ndërsa ajo i ka ftuar në takim për të diskutuar.

Gjatë përplasjes verbale me Blerta Deliun, janë dëgjuar akuza dhe kundërakuza, ndërsa Gërvalla i ka kërkuar asaj të largohej.

Në sallë janë dëgjuar edhe thirrjet “UÇK” dhe “Poshtë Jugosllavia”.

Përplasje verbale ka pasur edhe mes Gërvalles dhe deputetit të PDK-së, Artan Behrami.

Behrami i ka thënë Gërvallës “ti ke shkelë mbi gjakun e UÇK-së”, ndërsa ministrja në detyrë i është përgjigjur: “Mos rrej”.