Ekipet palestineze të Mbrojtjes Civile, ka nxjerrë trupat e 11 palestinezëve nga rrënojat e një shtëpie të shkatërruar në lagjen Zeitoun, në juglindje të qytetit të Gazës, pas tre ditësh kërkimesh.

Mohammed Abu Dan, ka thënë se ekipet kanë përfunduar operacionin në shtëpinë e familjes Sawafiri dhe u zhvendosën në një tjetër zonë për të vazhduar kërkimet.

Operacionet janë pjesë e një projekti për rikuperimin e trupave të palestinezëve të mbetur nën ndërtesat e shkatërruara në të gjithë Rripin e Gazës.

Më herët, ekipet kanë nxjerrë mbetjet e 21 palestinezëve nga dy shtëpi të shkatërruara nga sulmet izraelite. Faza e dytë e projektit, e nisur më 19 korrik, përfshin 800 orë kërkime në 147 shtëpi, ku besohet se ndodhen mbetjet e 1 072 personave.

Zëdhënësi i Mbrojtjes Civile, Mahmoud Bassal, ka thënë se operacionet po kryheshin me burime “shumë modeste”: një ekskavator, një buldozer dhe një kamion, me mbështetjen e Komitetit Ndërkombëtar të Kryqit të Kuq.

Faza e parë, e nisur në nëntor 2025, çoi në nxjerrjen e 333 trupave dhe mbetjeve mortore të 559 personave nga 54 shtëpi dhe ndërtesa.

Në tetor 2025, Zyra e Medias Qeveritare të Gazës, ka thënë se rreth 9 500 palestinezë ishin raportuar të zhdukur që nga fillimi i luftës.

Sipas të dhënave të cituara, më shumë se 73 000 palestinezë janë vrarë dhe mbi 174 000 janë plagosur nga lufta e Izraelit në Gaza, ndërsa rreth 90 për qind e infrastrukturës së Gazës është dëmtuar.