Feronikeli ka vazhduar përforcimet për sezonin e ri, duke zyrtarizuar transferimin e portierit Agron Kolaj.

Klubi nga Drenasi ka bërë me dije se ka arritur marrëveshje me Kolajn, i cili në të kaluarën ka mbrojtur edhe te Besa e Pejës, Llapi, FC Prishtina dhe SC Gjilani.

Portieri Kolaj ka qenë gjithashtu pjesë e Përfaqësueses së Kosovës U21.

“Mirë se erdhe në familjen tonë, Agron! Të urojmë shumë suksese me fanellën e FC Feronikeli 74”, ka njoftuar klubi.

Me ardhjen e Kolajt, Feronikeli synon të rrisë konkurrencën në portë dhe të kompletojë skuadrën para fillimit të sezonit të ri.