Instituti Hidrometeorologjik i Kosovës ka njoftuar se gjatë ditës së ardhshme në vend do të mbajë mot kryesisht me diell dhe vranësira të shpërndara.

Sipas IHMK-së, në disa zona vranësirat mund të shoqërohen edhe me reshje shiu.

Temperaturat minimale do të lëvizin ndërmjet 11 dhe 17 gradë Celsius, ndërsa maksimalet pritet të arrijnë nga 28 deri në 33 gradë Celsius.

Era do të fryjë nga verilindja, me shpejtësi prej 1 deri në 7 metra për sekondë.