Kryetari i LDK-së, Lumir Abdixhiku, ka pritur sot në takim të ngarkuarën me punë në Ambasadën e ShBA-së në Kosovë, Anu Prattipati.

Gjatë takimit, Abdixhiku dhe Prattipati kanë diskutuar për zhvillimet aktuale politike në vend, me theks të veçantë në zhvillimet e fundit në Kuvend dhe procesin e konstituimit të institucioneve të Republikës së Kosovës.

Abdixhiku e ka njoftuar Prattipatin për qëndrimet e LDK-së lidhur me situatën aktuale politike, duke ritheksuar përkushtimin e kësaj partie për mbrojtjen e interesit të Republikës së Kosovës, funksionalitetin e institucioneve dhe stabilitetin institucional.